Mas info dia mundial 2024 | Afaor

top of page

Día 16, luns: Mesa informativa no Concello do Carballiño

Luns 16 Mesa informativa no Concello do Carballiño, situada na Rúa Rosalía de Castro, preto da praza Maior. Contamos coa presenza da nosa presidenta María Dolores Neira e de Lorena Castro, concelleira de Promoción Social e Educación

19 de setembro de 2024 Foro da Rexión "Emocións e autocoidados en coidadores de persoas con demencia"

Xoves, 19 de setembro, a psicóloga e profesora Lucía Jiménez Gonzalo é a protagonista desta nova xornada que aborda a saúde mental dos coidadores e outros aspectos relacionados coa atención ás persoas con demencia.

20 de setembro de 2024 “Torneo Solidario Xadrez” na “Portada Terapéutica” do novo
hospital

O venres 20 de setembro o CHUO organiza, en colaboración coa Academia Postal, o Liceo de Ourense, o Servizo de Neuroloxía e Humanización do CHUO e AFAOR, o terceiro torneo solidario de xadrez. Esta proposta pretende visibilizar a enfermidade, así como lembrar a importancia de adestrar e exercitar a mente para combater todas as demencias. No concurso, que tivo lugar no Espazo Ágora do complexo hospitalario, participaron pacientes e familiares vinculados a AFAOR, así como persoal sanitario.

20 de setembro de 2024 Paseo da Saúde de Barbadás

Venres 20 de setembro , a cuarta edición do Paseo da Saúde expuxo este venres en Barbadás o traballo de 14 asociacións a prol de diferentes enfermidades, para coñecer o seu traballo e as súas necesidades. Participaron a Asociación de Familiares de Enfermos de Alzheimer; a Fundación de Afectados de Fibromialxia; Asesia, saúde emocional na infancia e adolescencia; Asociación de Celíacos de Galicia; Asociación TEA; Asociación Española Contra o Cancro; Celebral Dano Adquirido; Asociación Ourense de Esclerose Múltiple, Párkinson e Enfermidades Raras; Asociación de Crohn e Colite Ulcerosa; Asociación de loita contra as enfermidades renais; Asociación de Diabéticos Auria; UN; Asociación de colectivos e pacientes con covid persistente; ou o propio Concello de Barbadás, a través do Centro de Información Muller.

20 de setembro Mesas Informativas no Concello de Ourense

O venres 20 de setembro, con motivo do Día Mundial do Alzheimer, instalamos as nosas mesas informativas no Concello de Ourense. Estas Mesas están instaladas na Rúa do Paseo, xunto ao Banco Vello de España e na Rúa Chano Piñeiro, no barrio dos Barrocanes.

21 de setembro, iluminación da Ponte Romana e da Fachada da Excelentísima Deputación Provincial de Ourense

O sábado 21 de setembro, con motivo do Día Mundial do Alzheimer, o Concello de Ourense e a Excelentísima Deputación de Ourense quixeron solidarizarse coa nosa causa iluminando de cor morado Ponte Romana e a fachada da Excelentísima Deputación Provincial de Ourense. .

23 de setembro Mesa Informativa no Concello de Celanova

Luns 23 de setembro, seguindo cos actos do mes do Alzheimer, hoxe instalouse unha mesa informativa no Concello de Celanova.

23 de setembro Mesa informativa no Complexo Hospitalario Universitario de Ourense

Luns 23 de setembro, rematando os actos que levamos a cabo durante o Mes do Alzheimer 2024, hoxe instalamos unha mesa informativa no Complexo Hospitalario Universitario de Ourense

bottom of page